در آیینه ادب

آنا یوردوم

سردریم آی باش اوجا شانلی دیاریم
آنایوردوم
سنی گورجاق یئنه دوردوم
آدینی دفتر ایامیده مین لر سیرا گوردوم
سنی گورجاق یئنه دوردوم
سرده ریم آی آنایوردوم

* * *

سنی ستارخانیله
سیرداش اولار کن دویوشنده
اوجالیب عرشه چاتار کن گونشیله اوپوشنده
اوجالاردا گوروشنده
سنی گوردوم، سنی گورجاق یئنه دوردوم
سرده ریم آی آنایوردوم

* * *

تاریخین دونگه لرینده
سنین آیینه لرین وار
«باغبان» تک نه گوزه ل سئوملی
گنجینه لرین وار
نه گئنیش سینه لرین وار
مرد اوغوللار یئنه دوغ
قوی ائلیمیز آرخایین اولسون
یئنه ائل مشعلی اول قوو کدری
قوی شایین اولسون
ائللر ایچره پایین اولسون

* * *

بیر ده قالدیر باشووی قوی سنی عالم
اوجا گورسون
سنی ائللردن اوجا
وارلیغیوی لاپ قوجا گورسون
سنی لایق تاجا گورسون
بیرده «ساردور» قالاسیندان سوز آپار
کئچمیشه بئنزر
قوی سنی ائل ائده باور
تا گوره کیمدی هنرور
بیرده قالدیر باشووی
بیرده اوجال، بیر داها قاوزان
بیر ده باغوانی چاغیر تا سالا او بیر یئنی طوفان
هانی او حربیده اصلان؟
هانی غیرت اوجاغی
هاردادی او «شیر دل» انسان؟
او کی صفلرده مجاهیدلره «لنگر» ساییلاردی
او کی دوشمان اوره ینده‌، ایتی خنجر ساییلاردی
اوزی لشگر ساییلاردی
او کی‌ «ائل اوغلو» اولار کن
ائله داغ تک دایاغیدی
باش اولارکن آیاغیدی
قورخو اوندان اوزاغیدی

* * *

غیرتین مسکنی سن تورپاغین آل قانیله قاندی
چوللرینده جویره ن لاله لرین حقه نشاندی
بو حقیقت نه گوماندی

* * *

آنا یوردوم
قوجا «نارین قالا» نین سینه سی
مین گنج سخن دیر
او بیزه ایلک وطن دیر
اوداسن تک بیزه منلیگ یاردان
ظلمی بیچن دیر
اودا تاریخ بویو ظلمت یوواسین سنله سوکن دیر
ظالمین قانین ایچن دیر

* * *

قوجا «سلطان پیره» باخ
سنده قوجالمیش بویا چاتمیش
گوز یومارکن نئجه یاتمیش
بو یالان دونیانی آتمیش

* * *

بو یالان دنیا بیزی آزدیریب ان چوللره سالدی
وارلیغی ایلغیم اولار کن
واریدا عین زاوالدی
بو یالان دونیا کیمه ائتدی وفا کیمسه یه قالدی؟
قالا بیلمز کی ماحالدی

* * *

نه قالیب شاهه بو دونیا نه ده درویشه قالاندی
«شهریار» خوش دئییبن :
تکجه دوغوب درده سالاندی
گئژ وئریب تئزجه آلاندی
بو وئریشلرده یالاندی

* * *

آنا یوردوم
بو جهاندا قالان انسانه یالین تکجه آد اولموش
بو قالان آد دا داد اولموش
یاخشیلیقلاردی یاد اولموش

* * *

چئوریلیب قایدالار امما
دوزه دای مشتری یوخدو
نه آغا آغ دئین اولموش
نه دئین وار قارا توخدو
قورد کیمی هانمی قاچیر بیر قارینا
آجلیغی چوخدو

* * *

ال له مدعی اولموش
یئنه گوزلر بولاغی
آغلاییب ان گوزلره دولموش
باغبان اولمه ده
چول چوس اوجالیب گولشنی سولموش
نه یامان فرتانا اولموش

* * *

آنا یوردوم
ولی سن آرخایین اول ایش بئله قالماز
آتا لار یاخشی دئییب
ایری دووار باشی اوجالماز
گون گزر اوز یولونو
امما، بولود ایچره قوجالماز

* * *

تاپار انسانلیغی انسان
داها هئچ باشدا تاج اولماز
داها هئچ یئرده آج اولماز

* * *

بیرده انسان قاییدار منلگی نه آیری زماندا
یاخشی پیس غربیل اولار
آری لاشار یاخشی،‌یاماندا
گوز سئچر حاققی بیر آندا


مقصود سامع سردرودی

سردری

یوردوم، یووام گوزللیگه معنادی سردری
دیـوانه کـونلومه بلـی لیلادی سردری
جنت دئه سـم حقیقت جنت صفـا تـاپار
معنایه بـاخ گـور نئجه زیبا دی سردری
هردورد یولوندا بیر گوزلین نقشی گورسه نیر
«باغوان» کیمی گوزللره ماوا دی سردری
شئرلر دیار دیر، ایگیت اینسانلارین یئری
هر حسنه هر گوزللیگه دارا دی سـردری
کونلوم قوشو اوچاندا خیالیندا هر زامـان
سـویلر دئیـر غریبه مصفا دی سـردری
آئینه لر بیلیر کی اورکـدن مـن عاشقم
چون عشقیمه مسیح دی، عیسادی سردری
اودلار دیـاری، آذربـایجانـه افتـخار
ائللر ایچینده باش اوجا شیدا دی سردری
غیرت اوجـاغی دی نه یـازا وصفینه قلم
گلمـز بیـانه بس اولـو دریا دی سردری
نئیلیم مـن عاشقم بـو یئـرین خاک پاکینه
فخریم بو دور کی عشقیمه معنا دی سردری
اولسم منی او تـوپراغین آلتیندا قویلاییـن
«سامع» بیلیرکی اولمه یه جاق آدی سردری

مقصود سامع سردرودی

تو را دوست دارم

تو را سردرود
ای بلندای عشق
زجان می پرستم
تو را دوست دارم
تو را همچو مجنون در کوی لیلی
تو را همچو فرهاد در
ناز شیرین
زجان می پرستم
تو را دوست دارم

* * *

تو را می پرستم که لایق ترینی
تو را دوست دارم که چون بهترینی
تو را با همه کوچه پس کوچه هایت
تو را با همه مردم با صفایت
زجان دوست دارم
تو را می پرستم

* * *

تو را می ستایم به اوج شرف
تو را دوست دارم
به پاکی عشق
به عشقی که مجنون به لیلا کند
تو لیلای عشق بلند منی
تو زیباتر از هرچه زیبا بتی ست
تو آنی که من در غزل گفته ام
تو سر چشمه شعر ناب منی
زجان می پرستم
تو راعاشقم
تو را دوست دارم به صد نکته ناز
به گاه خروشت
به وقت نیاز
تو را دوست دارم
تو را عاشقم

مقصود سامع سردرودی